Persónuvernd

Síðast uppfært 5. október 2026

Þú getur lesið greinarnar á þessum vef án þess að stofna aðgang eða gefa upp nafn. Hér er útskýrt hvaða upplýsingar kunna að verða til þegar þú heimsækir vefinn, skráir þig á póstlista eða hefur samband við mig.

Ábyrgðaraðili

Einar Páll Svavarsson ber ábyrgð á vinnslu persónuupplýsinga í tengslum við vefinn. Fyrirspurnir um persónuvernd má senda á einar@emstrur.is.

Heimsóknir á vefinn

Vefurinn er hýstur hjá Squarespace. Þegar þú opnar vefinn verða til ákveðnar tæknilegar upplýsingar sem nauðsynlegar eru til að birta síðurnar, tryggja öryggi þeirra og halda þjónustunni gangandi. Slíkar upplýsingar geta meðal annars náð til IP-tölu, upplýsinga um vafra og tæki, dagsetningar og tíma heimsóknar og upplýsinga um þær síður sem opnaðar eru. Þessi vinnsla fer fram vegna reksturs, öryggis og tæknilegrar virkni vefsins og byggist á lögmætum hagsmunum mínum af því að geta rekið öruggan og virkan vef. Squarespace kann einnig að skrá upplýsingar um einstakar heimsóknir, svo sem IP-tölu, áætlaða staðsetningu, vafra, tæki, uppruna heimsóknar og hvaða síður voru skoðaðar. Ég nota þessar upplýsingar eingöngu í takmörkuðum tilgangi við rekstur, öryggi og almenna greiningu á notkun vefsins.

Vefmælingar

Ég nota aðeins takmarkaðar upplýsingar um umferð á vefnum til að fá almenna mynd af því hversu mikið hann er lesinn og hvaða efni vekur áhuga. Ég nota ekki Google Analytics, Meta Pixel, auglýsingamælingar eða sambærilega þjónustu sem ætlað er að rekja notendur milli vefsvæða eða byggja upp persónusnið. Ég nota Google Search Console til að fylgjast með því hvernig síður vefsins birtast í Google leit. Þar sé ég samanteknar upplýsingar, svo sem leitarorð, birtingar og smelli, en ekki hver framkvæmdi leitina.

Vafrakökur

Vefurinn notar aðeins þær vafrakökur og sambærilega tækni sem nauðsynleg er til að Squarespace geti birt vefinn, tryggt öryggi hans og sinnt grunnvirkni. Valfrjálsar rakningar-, auglýsinga- og mælingakökur eru ekki notaðar á vefnum. Af þeim sökum er ekki óskað eftir samþykki fyrir valfrjálsum vafrakökum við komu á vefinn. Ef virkni vefsins verður síðar breytt þannig að valfrjálsar rakningar, eða mælingakökur verði notaðar, verður þessi stefna uppfærð og, eftir því sem við á, óskað eftir samþykki notenda.

Póstlisti og tilkynningar um nýjar greinar

Gestum vefsins stendur til boða að skrá netfang sitt á póstlista til að fá tilkynningu þegar ný grein birtist. Við skráningu er aðeins óskað eftir netfangi. Netfangið er eingöngu notað til að senda slíkar tilkynningar og er hvorki selt né afhent öðrum aðilum til eigin markaðssetningar. Vinnsla netfangsins byggist á samþykki þess sem skráir sig á póstlistann. Við skráningu kann áskrifandi að þurfa að staðfesta netfang sitt með staðfestingarhlekk sem sendur er í tölvupósti. Póstlistinn og sending tölvupósta eru hýst hjá Squarespace. Squarespace vinnur því ákveðnar upplýsingar fyrir hönd ábyrgðaraðila vefsins vegna skráningar, vistunar netfanga og sendingar tölvupósta. Áskrifandi getur afturkallað samþykki sitt hvenær sem er með því að smella á afskráningarhlekk neðst í tölvupósti. Eftir afskráningu verða ekki sendar frekari tilkynningar á viðkomandi netfang. Upplýsingar eru varðveittar á meðan viðkomandi er skráður á póstlistann eða eins lengi og nauðsynlegt er til að virða afskráningu hans og koma í veg fyrir að netfangið verði óvart skráð aftur. Póstlistinn er ekki notaður til sjálfvirkrar ákvarðanatöku, markaðsgreiningar eða til að útbúa persónusnið um áskrifendur.

Ef þú hefur samband

Ef þú sendir mér tölvupóst nota ég netfang þitt, nafn ef þú gefur það upp og efni skilaboðanna til að svara erindinu. Sú vinnsla byggist á lögmætum hagsmunum mínum af því að geta svarað fyrirspurnum og sinnt samskiptum vegna vefsins. Samskipti eru varðveitt meðan þeirra er þörf vegna erindisins og eytt þegar ekki er lengur ástæða til að geyma þau, nema lagaskylda eða málefnaleg þörf vegna réttarkrafna krefjist annars.

Þjónustuaðilar og vinnsla utan EES

Squarespace veitir hýsingu, tæknilega þjónustu og póstlistaþjónustu fyrir vefinn og vinnur því ákveðnar upplýsingar í tengslum við notkun hans. Gögn kunna að vera geymd eða unnin utan Evrópska efnahagssvæðisins, meðal annars í Bandaríkjunum. Squarespace lýsir þeim verndarráðstöfunum sem fyrirtækið notar vegna slíkrar miðlunar, þar á meðal stöðluðum samningsákvæðum þar sem það á við. Ég sel ekki persónuupplýsingar lesenda eða áskrifenda.

Tenglar á aðra vefi

Ef þú fylgir tengli af þessum vef yfir á annan vef gildir persónuverndarstefna viðkomandi vefs um þá notkun. Ég ber ekki ábyrgð á vinnslu persónuupplýsinga hjá öðrum vefjum eða þjónustuaðilum sem þú heimsækir í gegnum tengla héðan.

Réttindi þín

Þú getur haft samband við mig á netfangið hér að ofan og óskað eftir upplýsingum um vinnslu persónuupplýsinga sem varða þig. Eftir því sem við á getur þú einnig óskað eftir að upplýsingar verði leiðréttar eða þeim eytt, mótmælt vinnslu eða óskað eftir takmörkun hennar. Ef vinnsla byggist á samþykki getur þú afturkallað það hvenær sem er. Afturköllun samþykkis hefur ekki áhrif á lögmæti vinnslu sem þegar hefur farið fram. Þú átt einnig rétt á að beina kvörtun til Persónuverndar.

Breytingar á persónuverndarstefnu

Þessi síða verður uppfærð ef breytingar verða á því hvernig vefurinn vinnur með persónuupplýsingar, til dæmis ef ný mælitækni, auglýsingatækni eða önnur þjónusta verður tekin í notkun sem ekki er áformað.